Haralddalssætra ligg inst i Austefjorden. Sætra ligg fint til ved eit lite vatn. Første del av turen går på skogsveg, medan siste biten går på god sti.
Start inst i Sunndalen ved Høybakk. Følg skogsveg. Midtvegs har vegen asfaltdekke. Etter at du igjen kjem inn på grus, deler vegen seg. Du er då på om lag 300 høgdemeter (N62° 02.288' E6° 19.708'). Du skal ta vegen som går til venstre, følg skilting mot Haralddalen. Følg vegen til endes og ta så stien opp til Haralddalssætra. Den går på høgre side av elva og er merka med raude merkepinnar i trea.
Frå Volda køyrer du E39 mot Stryn. Etter Fyrdsbergtunnelen tek du første avkøyring på høgre side, mot Straumshamn (Fyrdsvegen). Køyr forbi padda og følg skilting vidare mot Straumshamn ved ei bru (Høydalsvegen). Om lag 200 m etter brua ser du skilt til Sunndalen. Følg Sunndalsvegen til du kjem til Høybakk inst i Sunndalen. Start ved postkasser der du kan kjøpe fiskekort. Parker ved vegen inst i Sunndalen ved Høybakk.
| Underlag | Lengde i km |
|---|---|
| Asfalt | 0,8 |
| Grus | 2 |
| Sti | 2,72 |
Ta gjerne ein stopp ved den store padda. (http://www.nrk.no/mr/stor-interesse-for-austefjordpadder-1.11776964.) Paddebestanden ved Litlevatnet er av dei største i Europa og vart landskjend då paddene fekk eigne tunnelar under den nye E39.
Køyreskildring
Print ut
