Grøthornet frå Fransvegen

Ein flott tur frå bustadfeltet i Bratteberg gjennom skogen til Grøthornet, som ligg mellom Sandhornet (toppstasjon for Volda Skisenter AS) og Melshornet

Denne turen startar i enden av Fransvegen og går oppover Dalenmarka. Her kryssar du spor til Driveklepp og Volda Skisenter og går rett nordover oppgjennom skogen. Sporet passerer skogsvegen og fortset gjennom hogstfeltet til skoggrensa. Herifrå lett nordaustover i søkket mellom Sandhornet og Sledalen til Grøthornet. Retur same veg, eller Sledalen mot Olsenhytta og inn på sporet att.