Gamle Lisetsetra

Lett tur langs sætreveg og på rås det siste stykket. I periodar nokre våte parti langs råsa. Setra ligg akkurat på skoggrensa og har flott utsikt vestover. Gamle Lisetsetra ligg høgt og fritt til med fin utsikt til bygda og Storfjorden. Fin kveldstur eller utgangspunkt for å gå vidare til Snaufjellet.

Følg sætrevegen som går opp frå Giskemosaga til den nye Lisetsetra. Hald til høgre i alle vegdele. I skiftet til Amdamsætra er det skilta. Ved husa på Lisetsetra går du opp ei skråning til venstre og inn på råsa. I periodar kan det vere våte parti og litt vanskeleg å krysse Øyagrova tørrskodd når det er stor vassføring. Triveleg rasteplass på muren ved husa med god utsikt ut fjorden.