Fiskåbrauta - Kvanndalen - Brandalsosen - rute 13

Lett og grei tur som går i den same traseen som menneske og dyr brukt på veg til sætra i tidlegare tider. No går det veg opp til fjellet på begge sider, og dermed er denne turen langt lettare enn før. Om lag halve turen går på ny turveg med grus.

Sjølv om ein kan gå heilt frå Fiskå, vil truleg dei fleste køyre opp til Fiskåbrauta og gå derifrå. Mange av gardsbruka på Fiskå hadde sæter ved Kvanndalsvatnet (Mørkevatnet) og difor er dette ein godt innarbeidd turtrase i området. Det er lett og god sti heile vegen.