Fagerlihøgda frå Bytbekken

Kort tur som raskt tek deg opp i høgda, og gir deg eit flott utsyn mot Reinsfjellet like ved, og Sunndals- og Romsdalsfjella innanfor. Turmålet ligg ved eit trigonometrisk punkt på den nordlege enden av Fagerlihøgda. Her er det postkasse med turbok.

Frå øversida av fylkesvegen tek det av ein skogsveg som vi følgjer oppover til han tek slutt i Fagerliskaret. Herifrå går vi vidare på merka sti opp til turmålet på høgda til venstre.  Turen ned kan du ta same veg, eller du kan gå tilbake til Fagerliskaret og følgje merka sti over høgda til Flemsetervatnet og FV291 på Flemsetra, om lag 2,5 km nærare Flemma enn der du starta (https://mrfylke.no/Morotur/Turar/Fagerlihoegda-om-Flemsetervatnet). Du kan også følgje høgda vidare og kome ned ved skisenteret på Fagerlia (https://mrfylke.no/Morotur/Turar/Fagerlihoegda).