Bergsvegen - Dunderhoff - Dinglavatnet

Ovanfor bebyggelsen i Volda sentrum er det eit nettverk av stiar som gir høve til ei mengde varierte turar. Ein av dei er denne rundturen med start øvst i Bergsvegen. Fint turterreng, delvis på veg og delvis på sti. Turen går via Heltnelihuken, Kortemyra og Dunderhoff. Så over til Turnhytta og opp til Dinglavatnet. Returen følger ei litt anna rute

Fra parkeringsplass i Bergsvegen følger du skogsvegen vidare oppover i ca. 600 m. Ta av til venstre der vegen deler seg (følg skilt). Du ser snart Heltnelihuken. Her er det verdt å ta ein stopp og nyte utsikta. Gå skogsvegen vidare. Følg skilt til Kortemyra og Dunderhoff i svingen ovanfor Heltnelihuken. Etter 2-300 m ser du eit eldre skilt til Kortemyra. Ta av på stien her, følg raude merkepinnar. Frå Kortemyra følger du stien vidare, følg skilting til Dunderhoff. No skal du følge merka løype over til Turnhytta på svak sti. Du kan gjerne låne utedoen om du har behov. Frå Turnhytta går stien vidare opp til Dinglavatnet.

Du kan sjølvsagt ta same rute tilbake til start, men i denne turomtalen følger vi vegen ned att til første sving (ca. 1 km). Her tek du til venstre og følger stien som er merka til Heltnelihuken. Du passerer ei hytte og kjem etter kvart ned til ein skogsveg. Du skal ikkje inn på skogsvegen, men følge Rasmusråsa langs venstre side av elva, heilt til du kjem ned til høgdebassenget. Då er du tilbake til start.

Ruta er merka med raude merkepinnar i trea og staur. Der det er god rås, er det sporadisk merka. Ruta er også skilta.

Frå Volda sentrum med bil: Følg E39 retning Stryn. I rundkøyringa ved høgskulen tek du av mot Vikebygda. Følg Vikebygdvegen knapt 1 km. Så opp Bakkelidvegen, Hjellbakkane og Bjørnevegen heilt til du kjem til Bergsvegen. Ta av opp til venstre og følg grusvegen opp til P-plass der Panoramavegen startar, eller ved høgdebassenget før bommen. Du kan gjerne gå eller sykle til start. Det er mange mulige ruter.