Bølia

Toppen av Bølia ligg 703 moh. og byr på ein storslått utsikt i alle himmelretningar. Turen opp lia er bratt, men du kjem ganske fort opp til fine utsiktspunkt, noko som gir ei kjensle av at du stig ganske raskt. Du følgjer for det meste skogsveg og tørr, fin sti. Vi anbefaler å gå siste del av turen som ein rundtur om utkikspunktet Bøvardane.

Du startar frå parkeringsplassen på høgre side av vegen ved Orahaugen. Her finn du også informasjonstavler for turar i området. Gå oppover skogsvegen som startar på øversida av vegen. Denne følgjer du til den begynner å flate ut oppi lia. Der tek du inn på ein sti på øversida av vegen. Herifrå følgjer du stien oppover mot toppen av Bølia.