Blåtinden frå Eiksund

Blåtind er den høgaste toppen på Hareidlandet (697 moh) og har flott utsikt til fleire fjordarmar (Volda, Ørsta, Rovde, Vartdal), mot Sunnmørsalpane og mot øyane på Ytre Søre Sunnmøre, altså alt det flotte Sunnmøre byr på; fjord, fjell, øylandskap og hav!

Start ved Eiksund vassverk (sjå bilete). Det er skilta der stien startar. Du følger god og merka sti heile vegen til topps. Det er jamn stigning heile vegen. Etter ein knapp time kjem du ut av skogen og resten av turen går på snaufjellet med godt utsyn utover sunnmørsnaturen. Litt før Grøthornet deler stien seg. Stien som er merka med pålar går mot Eiksundsætra (skilta). Stien til Blåtinden går opp til venstre og det er denne du skal følge. Mot slutten er det vardemerking til topps. Turen er omtala i boka "Fotturar på Sunnmøre"

Det er fleire ruter som fører til topps, mellom anna frå Haddal, frå Løsetvatnet. og frå Havåg. Vil du gå ein rundtur, kan du gå ned att til Havåg. Det er skilta. Det er om lag ein km å gå frå Havåg tilbake til der du starta.

Om du vil, kan du ta ein avstikkar opp til Haddalshornet. Det er skilta.