Bjørnesethornet

Fin tur med flott utsikt på toppen. Du ser langt vestover, heilt ut til øyane yst ute. Ta gjerne turen nedom Brundalen og Brundalsvatnet på heimveg. Turen kan passe fint som familietur.

Start i enden av bomvegen, ca 350 moh.. Følg vegen til han flatar ut, ca 450 moh. Her finn du skilt og sti til Bjørnesethornet. (N62° 03.507' E6° 06.491') Stien går gjennom bjørk- og furuskog, og her er også masse blåbærlyng. Tydeleg sti det meste av vegen, men nokre plassar over myrområdet kan stien vere svakara. Sjå etter merke (raude/gule) så finn du vegen. På vel 500 moh. (N62° 03.619' E6° 06.430') svingar stien til høgre. Det går også ein sti rett fram, så det kan vere lett å ta feil her, men følg heile tida merkinga, så veit du at du er på rett veg. Når du kjem ut av skogen på ca 650 moh. kan du følge sti over myra og gjennom bjørkeskog, eller følge sti opp til venstre. Stiane møtast etter eit lite stykke og du går i ope lende til topps. Stien er god å sjå, og du ser toppvarden. Ta deg tid til å nyte utsikta på toppen!

Frå Volda - Folkestad: Ta ferge til Folkestad. Følg E39/651 til Straumshamn og ta av til Fyrde (Bjørnesetvegen) like etter brua i 50-sona. Kjør vidare til du kjem til Bjørneset. Like før du kjem til 50-sona og Bjørneset-skiltet tek du av til Bjørnesetsætra. Ta av til høgre på grusvegen og du kjem straks til bom"stasjonen". Prisen er kr.30 for personbil (2018, kontant betaling). Følg god bomveg vidare i ca 2,5 km. Det er bra med parkeringsplass i enden av bomvegen Parker i enden av bomvegen