Aursnesvatnet rundt

Turen passar godt for småbarnsfamiliar, og er elles ein tur dei aller fleste kan klare utan erfaring. Ruta byr på vakker utsikt mot Leikong og innover mot Eiksund. Ein kan også møte på villsauer i området. Langs fjøra er det også ei rekkje fine plassar ein kan ta av frå stien og gå til.

Turen startar frå grusvegen i svingen ved enden av Aursnesvatnet, ca. 300 meter aust for Håheim på Selvågvegen. Parkeringsplass 50 meter frå svingen. Stien er lett og fin, og går mest nedover til enden av vatnet der det møter sjøen. Herifrå er det noko kupert terreng, men veldig flott sti. Nokre myrlendte områder. Fin utsikt utover sjøen mot Leikong og innover mot Eiksund. Stien kjem så opp ved bebyggelsen på Aursneset, og ein følgjer bilvegen, Selvågvegen, det siste stykket tilbake til utgangspunktet.