Tredjevatnet

Tredjevatnet ligg i enden av den om lag 4 km lange vegen gjennom Hildredalen. Etter ei lang slakke og litt stigning kjem ein til det idylliske Hildrevatnet med nærleik til fleire flotte fjell. På veg nedigjen får du ei flott utsikt mot Nordøyane og skipsleia.

Følg grusvegen oppover til du kjem til ein bom. Denne går du forbi og passerer ganske snart også skyteområdet til Hildre og Brattvåg skyttarlag. Vegen går vidare i slakk stigning, men med nokre mindre brattare parti. Når du er ferdig med stigninga og vegen flatar ut, kjem du snart til Hildrevatnet. Her er det langgrunt i nordenen og fint å ta seg eit bad i på varme sommardagar.

Vegen går vidare langs og forbi vatnet, der det også ligg fleire hytter, og etter om lag 1 km til kjem ein til enden av vegen ved Tredjevatnet.

Hildredalen og Tredjevatnet ligg omkransa av det fleire flotte fjell, melom anna Gamlemsvetem, Hildrehesten og Omnen. På veg tilbake får du nyte ei flott utsikt mot Hildrestranda med hav og øyar utanfor. Ekstra vakkert å sjå sola gå i havet sommarhalvåret.

Vegen til Hildredalen har godt grusdekke, og eignar seg også for sykkel og vogn, eller ski om vinteren når om forholda ligg til rette for det. Ein kan køyre mesteparten av vegen med elektrisk rullestol også, men siste kilometeren er det ein del grov singel som kan skape utfordringar.

Frå Hildrestrandvegen tek du av ved skilting til Montessoriskule. Følg vegen rett fram til du passerer ei bru som går til byggefeltet Dalmo. Om lag 50 meter forbi kan du parkere på høgresida.