Øvsteråsa på Lepsøy

Turen til Øvsteråsa kan ein gå heile året.  Med berre 15-20 min gange møter du storhavet, utsikt mot nydelege Rået med vikinggraver og unikt kystlandskap.

Frå parkeringa går du 150 m på grusveg før du møter eit skilt som viser veg til Øvsteråsa.  Ei unik turoppleving møter deg etter 15-20 min gange.  Etter ein slakk bakke i godt merka sti, kjem du til Øvsteråsa. Her kan du sitje på ein benk, opne postkassa og høyre songen "Øya vår". Du har nydeleg utsikt over storhavet og ned i Rået. Om du vel å gå vidare, er der godt merka sti ned til Rået, eller du kan vitje nord-Europas største sjøhellar, Rønstadhellaren, som ligg på nedsida av Øvsteråsa.  For over 100 år sidan stranda ei skute frå Shetland i Rået. Informasjon om denna ferda og kvinna ombord kan du høyre historia om i ei lytteboks i Colombinebukta, vika rett nedanfor Øvsteråsa.

På Skjelten tek du av og køyrer Nordøyvegen til Lepsøy. Like etter at du kjem på land tek du av mot venstre, og køyrer Nedstevegen til du møter «øvstevegen», der du skal ta av til venstre mot Rønstad. Køyr til endes på vegen. Her kan du parkere bilen på god oppstillingsplass. Det er plass til ca sju bilar her.