Kimen

Ein kort, men fin tur. Startpunktet og første del av turen er det same som turen til Æafjellet.

Frå parkeringa kryssar du vegen og går på grusveg så langt den går. Gå forbi ei utdatert fotballbane på høgre side, forbi ei grillhytte og opp gjennom skogen. Når du kjem ut av skogen, ta til høgre. Gå på sti langs skogen. Der skogen sluttar, går du på skrå opp langs ein opptrakka sti. Den kan vere litt våt og glatt. Når du kjem opp til toppen, kjem du til ein ny skog. Gå gjennom den og der kjem du til ei postkasse med kode. Når du har registrert deg, kan du sette deg på benken og nyte den fine utsikta, både utover havet, mot øyane lengre sør og innover fjella. 

Når du kjem ut av Nogvafjordtunnelen - Fjørtofta sør, ta av til venstre etter busstopp og parker på opparbeidd parkeringsplass.