Rundturen rundt Blåfjellstien på Moltustranda er ein relativt kort og slakk tur. Den er fin og gå for både små og store og kan vere eit fint utgangspunkt for andre turar i området.
Blåfjellstien på Moltustranda er ein kort liten rundtur. Gå frå parkeringsplassen merka med P-skiltet for turparkering og følg vegen vidare på asfalt det første korte strekket. Når de kjem til skiltet «Kvia» kan de anten følgje vegen mot Blåfjellstien oppover grusvegen eller halde fram på grusvegen til skilta mot Mørkevatnet/Sollia. Uansett kva veg de startar rundturen på så er første del av den på grusveg med svak stigning. Ta av mot Blåfjellstien og følg merkinga. Stien vidare er slakk og tildels flat og går over myrar. Så stien er tidvis svært våt og det er lurt ha godt fottøy. Midt i råsa finn de kassa med turboka så de gjerne må skrive dykk inn i.
Følg Fv 654 mot Fosnavåg og ta av til venstre i krysset Moltustranda/Fosnavåg mot Moltustranda og følg vegen vidare ca. 5 km på Fv 10 til de kjem til Coop Moltustranda. Ta av til venstre og følg Nygjerdevegen vidare oppover bygda og vidare til fjellet. Frå parkeringa på Kvia/parkeringsplassen merka med P-skiltet for turparkering.
Køyreskildring
Print ut
