Hopp til innhold Hopp til hovedmeny

Om turen

Gradering

Kommune

Ørsta

Type tur

Skitur

Gradering

XXXX Svart

Lengde tur/retur (km)

7,5

Lengde en vei (km)

3,6

Skriv ut Kjørebeskrivelse

Flere bilder

Komen oppom skogen har ein god utsikt mot Skårasalen midt i bildet, ruta går opp dalen mellom Blåhornet og Skårasalen.
Det gjer godt med ei pause i Blåhornsida på veg til Skårasalen.
Endeleg, siste bakken opp mot toppen, legg merke til dei store utoverhengande skavlane på toppen.
Skårasalen, utsikt mot nordvest, Saudehornet til venstre, Kolåstinden midt i bildet.
Skårasalen, utsikt mot sørvest.
Skårasalen

Skårasalen

Kvifor gå denne turen?

Skårasalen er ein av dei mest populære skiturtoppane på Sunnmøre. På Skårasalen har du ei fantastisk utsikt mot alle dei kringliggande toppane. Skituren til Skårasalen er enklast å ta om våren etter at vegen fram til Kvistadsætra er brøyta. Dersom du vil ta turen før vegen er brøyta er det ca 4 km og 400 hm frå Kvistad til parkeringsplassen på Kvistadsætra.

Kvar i terrenget går turen?

Dersom vegen til Kvistadsætra ikkje er brøyta må du gå den frå Kvistad, då vert turen ca 15 km og 1450 hm tur/retur. Når du er komen til parkeringsplassen på Kvistadsætra går du vidare etter sætrevegen i søraustleg retning ca 400 m, då tek du til venstre og går i nordaustleg retning opp gjennom skogen og opp den bratte bakken på sørsida av Blåhornet og siktar deg inn på dalen mellom Blåhornet og Skårasalen og går dalen nordover nesten til endes og dreiar så mot aust og går ryggen i søraustleg retning opp til toppen, siste stykket opp mot toppen er smalt med store utoverhengande skavlar, så ver varsom, her er ca 650 hm rett ned på austsida av toppen. Turen nedigjen går etter same rute som opp, men det er også mogleg å renne Lisje Skåradalen ned til Hjørundfjorden og gå geiteråsa ved sjøen til ferjekaia på Skår. Ved dette alternativet må du bestille ferje eller skyssbåt på førehand, Skår har anløp kun på signal. http://www.frammr.no

Tilgjengeleg med rullestol

Nei

Kvar startar turen?

Ta av frå E39 i rundkøyringa i Ørsta sentrum og køyr fv 655 mot Sæbø, ca 3 km før Sæbø tek du til høgre mot Kvistad og køyr ca 1 km til bommen ved Kvistad og køyr bomvegen til Kvistadsætra ca 4 km. Dersom vegen er stengd må du gå frå bommen.

Kvar kan du parkere?

God parkeringsplass på Kvistadsætra, dersom vegen er stengd må du parkere på Kvistad. Vegen til Kvistadsætra er bomveg, (Kr 45 i 2017)

Rute på kart

Underlag Lengde i km
Ikke preparerte løyper 7,5
Lengde tur/retur (km) 7,5
Lengde en vei (km) 3,6
Stigning meter grader
Bratteste helning opp 100 35
Bratteste helning ned 100 35
Total stigning 1040 Høydemeter

Rasfare

Værforholdene og snøstabiliteten kan endre seg raskt, husk alltid å vurdere snøskredfare før du velger tur og rute. For oppdatert snøskredvarsel i Romsdalsområdet og informasjon om hvordan du selv kan redusere din egen risiko, gå til www.varsom.no. Snøskredvarselet vil aldri være en fasit på hvor det er trygt, men vil gi deg mer informasjon om forholdene slik at du selv kan gjøre fornuftige valg.

Fare for ras frå Blåhornet og frå Skårasalen. Store utoverhengande skavlar, spesiellt på austsida av Skårasalen.

Spesielle forhold

Dersom du vil renne ned til Skår, husk å bestill ferje eller skyssbåt.

Kart

Sunnmørsalpane, M711 1219 III.