Hopp til innhold Hopp til hovedmeny

Om turen

Gradering

Kommune

Ørsta

Type tur

Fottur

Gradering

XXX Rød

Gradering for rullestolbrukarar

Ikkje tilgjengeleg

Lengde tur/retur (km)

7,0

Lengde en vei (km)

3,5

Skriv ut Kjørebeskrivelse

Flere bilder

Saksa med Norangsfjorden til venstre, Hjørundfjorden til høgre og Jakta ruvande bakom, sett frå midtre Saksa.
Det gjer godt med ei pause før siste bratta mot toppen, utsikt mot Sæbø og Hjørundfjorden.
Bentebu, oppkalla etter primus motor for Saksaråsa, Bente Åmbakk, ligg med flott utsikt inn Norangsfjorden.
Utsikt mot nordaust, frå venstre Urkedalstinden,Velleseterhorn, Store Brekketind og Geithornet.

Saksa

Kvifor gå denne turen?

Saksa ligg på austsida av Hjørundfjorden og har ei fantastisk utsikt til fjorden og fjella omkring. Råsa til Saksa vart utbedra og steinura under toppen vart trappelagt av sherpaer i 2015. Der vart også bygd ein gapahuk på kanten av Leknesdalen på same tid. I Leknesdalen finn vi restar etter gamle setrar og der er også eit gamalt bjørnehi. Denne turen går til den sørlege toppen på Saksa, høgste punktet ligg på den nordlege toppen, råsa dit går bratt ned på nordsida av den sørlege toppen, over den midtre toppen og til den nordlege, turen frå den sørlege toppen til den nordlege toppen er ikkje å anbefale for dei med høgdeskrekk.

Kvar i terrenget går turen?

Frå turparkeringa ved Urkeelva går stien opp gjennom skogen. Etter ca 250 meter kjem du til ein grusveg. Ta til høgre her og hald fram på vegen til det går av ein skogsveg/sti til venstre forbi hytte. Stien går no  opp mot Leknesdalen. Når du kjem oppå kanten til Leknesdalen får du gapahuken på høgre sida, der er eit flott utsiktspunkt. Når du kjem oppi Leknesdalen går råsa mot nord i store svingar opp til steinura, då går råsa i sikksakk på hellelagde trappetrinn opp til toppen.

Kulturminne

Råsa til Saksa går gjennom Leknesdalen der ein finn murar etter gamle setrar. Ein finn også eit gamalt bjørnehi i Leknesdalen. Gapahuken på kanten står akkurat der det øverste festet til løypestrengen ned til bygda var. Den 24 november 1906 tok elva i Urkedalen seg nytt far, det skjedde midt på natta og dei to gardane i Urkegjerde låg på ei øy med fossande elv på begge sider då dagen kom. Nesten all matjorda på Urkegjerde vart ført med elva uti fjorden. For å få tak i mold til markane nede i bygda henta ein av gardbrukarane mold her i Leknesdalen. Molda vart frakta med hest og slede frå myra ca 200 m lenger oppe og ned til løypestrengen, der vart den lagd i eit firkanta segl med tau frå kvart hjørne og hengd med stålkrok på løypestrengen og send luftvegen 630 m ned til bygda. Restar etter den over 100 år gamle sleden er utstilt i gapahuken.

Tilgjengeleg med rullestol

Nei

Kvar startar turen?

Frå vest: E 39 til Ørsta, ta av i Ørsta sentrum på fv 655 skilta til Sæbø, ta ferje frå Sæbø til Leknes (NB sjekk ferjeruta, lenge mellom kvar avgang) Frå Leknes køyr 1,8 km til Urke. Køyr til Urke landhandel, og ta til venstre rett etter butikken. Turparkering etter ca 100 meter.
Frå aust: ta av frå fv 60 ca 4 km vestapå Hellesylt og køyr fv 655 til Urke.Ta til høgre rett etter Urkeelva. Turparkering etter ca 100 meter.

Kvar kan du parkere?

På Urke tek du av på vegen som går langs Urkeelva midt i bygda. Turparkering og starten på stien til Saksa ca.100 meter fram. Plass til fleire bilar. Urke Landhandel ligg like ved parkeringsplassen om du treng å handle til turen.

Rute på kart

Underlag Lengde i km
Fast grus 1,1
God sti 5,9
Lengde tur/retur (km) 7,0
Lengde en vei (km) 3,5
Stigning meter grader
Bratteste helning opp 120 38
Bratteste helning ned 120 38
Total stigning 1000 Høydemeter

Mobildekning

Ja

Kart

Sunnmørsalpane, M711 1219 III, sunnmorskart.no