English

Ryssdalsheia (Fremste Synnalandsheia) frå Brattvåg

Haram

Kort om turen

Tur i stort sett lett terreng med fin utsikt frå toppen. Registrering i Brattvåg IL Trimgruppe si bok ved varde på toppen. Om ein ønsker ein rundtur, kan ein enten gå vidare til Ryssdalstjønnene og følgje Dyrstigen (nokså våt sti) ned til Synnalandsvatnet og tilbake til utgangspunktet, eller følgje Ryssdalen nordover og kome inn på opphaveleg rås igjen. 

Ruteskildring

Start frå parkeringsplass ved demninga i nordre enden av Synnalandsvatnet. Vestover over demninga og kort nordover før ein tek av mot bygninga til Brattvåg vassverk (følg skilt med «turløyper») og relativt bratt stigning opp mot Hestevatnet. Ta av til venstre på godt merka sti mot Ryssdalen ved toppen av stigninga og gå sørover langs ryggen på Fremste Synnalandsheia (455 moh). Ta av ved skilting mot Ryssdalsheia fram til varde.

For ein rundtur kan ein gå tilbake til krysset der ein tok av til Ryssdalsheia og følgje skiltinga vidare mot Ryssdalstjønna. Her kan ein enten følgje Dyrstigen ned og austover i relativt bratt og vått terreng til ein møter vegen langs vestsida av Synnalandsvatnet. Følg den nordover til utgangspunktet ved demninga.

Ein kan også følgje Ryssdalen nordover og kome inn på den opphavelege råsa igjen.

Tilkomst og parkering

Etter Haramssenteret i Brattvåg sentrum tek ein av til venstre og køyrer forbi Brattvåg barneskole. Her skal ein ta til venstre igjen mot idrettsanlegg og skular. Køyr forbi idrettsanlegget til Brattvåg IL og ta av første veg til høgre. Etter om lag 200 meter kjem ein til stor parkeringsplass på høgre sida, ved demninga til Synnalandsvatnet.

Fottur
Blå
Lengde
2,21 km en vei
Stigning
364 m
Tidsbruk
Ca. 1 time
Sesong
Vinter, Vår, Sommer, Høst
Merking
Skiltet
Mobildekning
Ukjent

Løype på kart

Underlag Lengde i km
Sti 5
Køyreskildring
Print ut