Hopp til innhold Hopp til hovedmeny

Om turen

Gradering

Kommune

Gjemnes

Type tur

Fottur

Gradering

X Grønn

Gradering for rullestolbrukarar

Ikkje tilgjengeleg

Lengde tur/retur (km)

5,2 km

Lengde en vei (km)

2,6 km

Skriv ut Kjørebeskrivelse

Orsetsetra

Fotograf: Sølvi S. Thomassen

Kvifor gå denne turen?

Ein lett tur som går på godt opparbeidde skogsvegar. Ein fin kveldstur på sommarkveldar, der du kan nyte solnedgangen bak Gjemnessundet og Averøya. 

Kvar i terrenget går turen?

Turen startar ved Gjemneshallen. Gå over brua like ovanfor skulen, i retning Orset. Ta av til høgre i andre krysset og følg traktorveg opp bakken. Her passerer du restane etter den gamle hoppbakken (Vollabakken), samt Torvik vassverk sitt anlegg. Kryss brua over Myrdøla og gå fram til gapahuken. Her kan du ta ein liten rast og nyte utsikta over bygda. Deretter tek du til høgre opp traktorvegen og følgjer denne heilt fram til Orsetsetra. Det kan vere litt grovt underlag enkelte plassar i vegen.

Ved passering av elva Myrdøla kan du gå ei alternativ rute langs elva og fram til Vollasetra. 

Kulturminne

Orsetsetra er ein gamal seterstøl kor du framleis finn restar etter fleire av seterbygningane. Her har det vore setring heilt sidan 1700-talet. Seterdrifta tok slutt i 1953.

Også på veg opp til turmålet, treff du på fleire kulturminne. I Myrdøla, like opp for der du kryssar elva, ligg restar etter fleire kvernhus. Her hadde gardane på Orset sine kvernhus.Tek du vegen opp langs elva, kjem du så til Vollasetra eller Myrdølsetra. Her er det berre murane og solide steinutgardar att frå setertida.

Tilgjengeleg med rullestol

Nei

Kvar startar turen?

Turen startar ved den store idrettshallen (Gjemneshallen) i sentrum av Torvikbukt (nokre meter opp langs FV289 frå FV666). Hit er det lettast på kome med bil.

Kvar endar turen?

Målet for turen er oppe på Orsetsetra, med flott utsyn over bygda under, fjorden, og Bergsøya og Averøya utanfor.

Kvar kan du parkere?

Offentleg parkeringsplass ved idrettshallen (Gjemneshallen).

Rute på kart

Underlag Lengde i km
Asfalt 0,2
Fast grus 0,5
Traktorveg 1,9
Lengde tur/retur (km) 5,2 km
Lengde en vei (km) 2,6 km
Stigning meter grader
Total stigning 290 Høydemeter

Offentlig transport

Buss frå Batnfjordsøra til Torvikbukt fire gonger dagleg.

Mobildekning

OK

Kart

Norge-serien, Kristiansund.