Hopp til innhold Hopp til hovedmeny

Møre og Romsdal fylkeskommune > Morotur > Turar > Nonshornet på Kvamsøya

Om turen

Gradering

Kommune

Sande

Type tur

Fottur

Gradering

XX Blå

Total lengde rundtur (km)

8,4

Skriv ut Kjørebeskrivelse

Flere bilder

Utsikt mot Voksa og Gurskøya
Myrvatnet og Vanylvsfjella sett frå inste Nonshornet
Krigsminne i Djupedalen
Riste, Dollsteinen og Ristesund

Nonshornet på Kvamsøya

Kvifor gå denne turen?

Nonshornet er høgste fjellet på Kvamsøya. God utsikt ut mot havet, Riste, Sandsøya, Gurskøya, Vanylven og Stadtlandet. Dette er ein tur som er fin å kombinere med sykkeltur på Kvamsøya. Turen går også om Djupedalen med krigsminne.Trimpost på Nonshornet og på nordsida av Myrvatnet.

Kvar i terrenget går turen?

Start ved ferjekaia og gå opp til Samvirkelaget, ta til høgre opp ein gangveg, når du kjem opp på hovedvegen kan du fylje den mot Stadion og gå ei sløyfe utenom byggefeltet, eller du kan gå 2 forskjellige ruter i byggefeltet, GPS fila går etter den midterste ruta. Ved Stadion startar råsa i bytet mellom innmark og utmark og går mot nordvest opp til ein gapahuk tilhøyrande Tareholmen 4H. Derifrå går råsa opp til Myrvatnet og vestover over myrane til inste Nonshornet, når du kjem hit ser du ytste Nonshornet som er høgste punktet på øya. Frå inste Nonshornet til ytste Nonshorner er det 400m på stein og berg. På tilbaketuren fyljer du råsa til du kjem til eit veidele på myrane før Myrvatnet, då tek du til venstre og går nordvestover og passerar Myrvatnet på nordsida og fyljer skilt mot Djupedalen når du kjem på austenden av vatnet. I Djupedalen er der ei informasjonstavle og du finn restar etter den store eksplosjonen under 2.verdenskrig. Frå Djupedalen går du sørover og kjem inn på den opprinnelege råsa like før Stadion.

Lenke til turbeskrivelse

Kulturminne

Djupedalen. Den største eksplosjonen i Norge under 2.verdenskrig skjedde rett utanfor Kvamsøya. Det tyske krigsskipet Hans Leonard vart bomba av dei allierte, og ein kan finne restar etter båten rundt nesten heile øya. I Djupedalen ligg eit 400 kg tungt hjul og aksling etter ei jernbanevogn som var ombord i båten.

Tilgjengeleg med rullestol

Nei

Kvar startar turen?

Ferjekaia på Kvamsøya. Frå nord fv 61 til Larsnes ferjekai og parker der. Frå sør fv 2 til Åram ferjekai og parker der.Ta ferja til Kvamsøya.

Kvar kan du parkere?

Larsnes ferjekai eller Åram ferjekai.

Rute på kart

Underlag Lengde i km
Asfalt 2
Fast grus 0,8
God sti 4,8
Dårlig sti 0,8
Total lengde rundtur (km) 8,4
Stigning meter grader
Bratteste helning opp 80 20
Bratteste helning ned 80 20
Total stigning 400 Høydemeter

Spesielle forhold

Husk å sjekke ferjerutene, ca 2t mellom kvar avgang. God informasjonstavle når du kjem iland på Kvamsøya.

Kart

Turkart Ytre Søre Sunnmøre, M711 1119 III, Sunnmorskart.no