Naustesetra

Molde

Oppdatert 16.05.2022

Eresfjord. Tur opp skogslia frå Nauste til den gamle seterstølen, Naustesetra. Fjelltrimkassa er montert på ei stor tolle ca 150 meter før du kjem til stølen. Frå Naustesetra er det fin tur vidare opp på fjellet utover mot Vasssetra. Ja, du kan også fortsette å gå heilt ut til Sølottsetra.

Turen går i skog med berg og sva. Etter regn kan det vere ganske vått og sleipt spesielt på berga.Gå gjerne 150 meter lenger enn Fjelltrimkassa, så kjem du til stølsområdet for Naustesetra. I dag er det berre ei hytte på stølen som står att.

Kjør fylkessvegen ned mot Nauste. Parker ved den gamle saga i Naustegarden. Følg traktorveg rett opp til Svabekken og ta til venstre forbi gapahuken og badestampen. Etter eit par hundre meter kjem du til ei hytte (den gamale badstua på Nauste). Her tar du stien rett opp til høgre og følgjer den.

Fottur

Blå

Stigning

319 m

Tidsbruk

1 t. 25 min.