Hopp til innhold Hopp til hovedmeny

Møre og Romsdal fylkeskommune > Morotur > Turar > Myrkevasstinden – rute 49 C – frå Kvanndalen til Myrkevasstinden

Om turen

Gradering

Kommune

Vanylven

Type tur

Fottur

Gradering

XX Blå

Lengde tur/retur (km)

6

Skriv ut Kjørebeskrivelse

Flere bilder

På veg mot toppen av Myrkevasstinden.
Viss ein er observant kan ein finne denne steinen med hol i omlag midtvegs på turen på eit langt flatt parti like ved der stien kryssar frå austsida til vestsida av ryggen.
Utsikt frå utsiktspunktet på Kvanndalstinden som ein finn på veg opp mot Myrkevasstinden

Myrkevasstinden – rute 49 C – frå Kvanndalen til Myrkevasstinden

Fotograf: John Willy Klungre

Kvifor gå denne turen?

Viss målet er å kome opp på det nest høgste fjellet i Vanylven på ein rask og enkel måte er dette rett tur. Om lag heile turen frå Kvanndalen til Myrkevasstinden går lang rygg og egg, og dermed har ein god utsikt heile tida. Rygg og egg fører og til at det er tørt og godt underlag heile vegen opp til 1131 m.o.h. på Myrkevasstinden sjølv i våte perioder. Utsikten vert vidare og betre dess høgre opp ein kjem, og på toppen ser ein havet i vest, Sunnmørsalpane i nordaust og store delar av fjellheimen i Nordfjord i sør og søraust. Myrkevasstinden er og eit godt utgangspunkt for tur vidare til Blæja (1142) eller Sandfjelltua (1002). Starten på turen er 530 m.o.h., og det betyr at ein er over tregrensa. Ein slepp dermed unna alt av kratt og anna av irriterande vegetasjon. På nokre kart blir toppen kalla Blæjeskardtinden. Like før ein kjem opp til toppen kan ein ta ein avstikkar mot aust og nyte utsikten frå Kvanndalstinden som er det austre punktet på dette fjellområdet.

Kvar i terrenget går turen?

Det er skilta ved startpunktet på turen, og også i stikrysset på toppen av første motbakke. Heile ruta er merka. Sett frå startpunktet ved demninga i Kvanndalen kan delar av turruta sjå litt «nifs» ut, men stien ligg fint plassert i terrenget langs rygg og egg, og er ikkje vanskeleg å gå.

Tilgjengeleg med rullestol

Nei

Kvar startar turen?

For å kome til startpunktet i Kvanndalen køyrer ein frå Syvde til Nordalen. Det står skilt mot Nordal 300 meter nordvest for kyrkja i Syvde. Køyr Nordalen heilt til endes. Deretter køyrer ein fjellvegen som startar i enden av dalen heilt til vegen stoppar ved kraftverksdemninga i Kvanndalen. Det er god plass til parkering ved demninga.

Kvar kan du parkere?

Det er god plass til parkering ved demninga i Kvanndalen. Ingen bompengar på fjellvegen.

Rute på kart

Underlag Lengde i km
God sti 5
Dårlig sti 1
Lengde tur/retur (km) 6
Stigning meter grader
Bratteste helning opp 500 15
Bratteste helning ned 500 15
Total stigning 600 Høydemeter

Kart

Turkart: På tur i Vanylven – kan kjøpast i butikkar og bensinstasjonar i Vanylven