Møllsvatnet

Møllsvatnet ligg i Gråsteindalen. Det er ein fin tur i lett stigande terreng opp til det idylliske vatnet. Ruta passerer forbi ulike kulturminner i form av gamle setermurar. Turen er familievennleg og oppe ved vatnet er det fint å både raste og ta seg eit bad.

Hugs på at estimert tidsbruk kan variere frå person til person. 

Turen startar ved parkeringsplassen på Korsmyra, det høgste punktet på vegstrekninga Eidsdal-Geiranger. Frå Korsmyra fylgjer ein traktorvegen på venstresida av elva innover Gråsteindalen. Etter 2 km på traktorveg i lett stigning krysser ein elva ved hjelp av ei bru. På andre sida av elva går råsa vidare oppover i litt brattare terreng i 500 m før ein kjem opp til vatnet. Postkassa står like ved vatnet, men ein må gå over steindemninga som ligg over den vesle grova. På kartet er det teikna ei alternativ rute tilbake til Korsmyra. Ruta går på andre sida av elva, er merka, går i slak nedoverbakke og ein møter igjen traktorvegen lenger nede etter ei brupassering.