Løkeberget

Ein av mange fine turar på Hareidlandet. Her er det flott utsyn og det er tydeleg sti og lett å finne fram. Du startar i Ulstein kommune og endar i Hareid.

Start ved Løset. Når du kjem frå Haddal skal du passere skilt mot Flåna og Garnestua før du tek av på veg som går til høgre inn til nokre hytter. Det er skilta til Løkeberget. Etter ca. 100 m, etter ei hytte, står det eit nytt Løkebergetskilt. Du kan enten følge dette eller gå vegen ca. 100 m til og ta til venstre på ein grasdekt veg. Når du kjem inn på stien følger du denne heilt til topps. Han er tydeleg og tidvis merka. Gjennom skogen er det ein del våte parti, men når du har kome opp på Langheida er det tørt og fint resten av vegen. Ruta går skrått opp sida til Løkeberget. I ca. 500 m høgde (N62° 18.946' E5° 56.796') dreiar stien skarpt vestover og vidare til topps. Følg merking, så finn du sikker rute til topps. Fin varde og flott utsyn på toppen og undervegs.