Langvatnet

Dette er ein lågterskeltur i relativt flatt terreng som passar godt for nybegynnarar, men som også er populær blant joggarar. Du følgjer skogsveg, og det er ikkje så mykje utsikt å skryte av på denne turen, men når ein er framme ved det vakre Langvatnet er dette gløymt.

Start ved riksvegen like ovafor Berseten der ein skogsveg går oppover lia. Du passerer ein bom og går vidare etter vegen etter å ha passert denne. Følj same vegen til den deler seg. Da tek du til venstre. Herifrå er det ikkje langt til snuplassen ved Langvatnet. Her finn du turkasse med bok du kan skrive deg inn i. Viss du går forbi turkassen og nedover ryggen utover mot vatnet, finn du også ein turbenk du kan raste ved.