Hopp til innhold Hopp til hovedmeny

Om turen

Gradering

Kommune

Surnadal

Type tur

Fottur

Gradering

XXX Rød

Lengde tur/retur (km)

13 km

Skriv ut Kjørebeskrivelse

Flere bilder

Framme ved målet!
Storslått utsikt frå toppen av Knyken! Her: ut Surnadalsfjorden.
Her ser vi ned til Ranessetra bada i haustfargar.
Dei blautaste partia er klopplagt.

Knyken

Fotograf: Norunn Holten

Kvifor gå denne turen?

Fjellet Honnstadknyken, også kalla berre Knyken, ragar 1071 meter over havet ved sentrum i Surnadal. Turen til Knyken er fjellturen alle surnadalingar tykkjer dei må ha med seg i løpet av livet, men vi kan love at den også vil vera ei oppleving for tilreisande. Den sentrumsnære fjelltoppen har vore eit populært turmål gjennom ei årrekkje, og stien er i dag både tilrettelagt og merka.

Vi har gradert Knyken som ein «raud», relativt krevjande tur. Det er likevel ein grei tur å leggje ut på sjølv om ein ikkje er i superform. Tek ein dagen til hjelp, vil «Knyken» vera eit realistisk mål for dei fleste. Det er mykje stigning, men sidan turen er ganske lang, merkar ein ikkje så mykje til stigninga som ein skulle tru. Hjelmen er til dømes ein tøffare tur til tross for at den turen er kortare.

Kvar i terrenget går turen?

Køyr opp vegen mot Skeisnebba hytteområde. Parker på parkeringsplassen under kraftlinja. I øverkant av parkeringsplassen startar den raude merkinga av Knykstien. Når du ca eit steinkast frå parkeringsplassen kjem inn på ein skogsveg, må du ta til høgre -inn på denne. Etter få meter tek du av til venstre frå skogsvegen igjen, går over ei klopp og oppover bakken der vegen vidare er skilta. Herifrå er det tydeleg sti fram til toppen.
Alternative trasear: Vil du ha ein lengre tur, eller spare bompengane, kan du parkere nede ved riksvegen. Da går du opp til startpunktet ved parkeringsplassen. Viss du derimot vil korte ned litt på lengda, kan du køyre opp til enden av vegen og parkerte der på tilvist plass. Det er da skilta sti til Knyken frå den krappe venstresvingen før siste bakken opp til parkeringsplassen/vegenden.

Tilgjengeleg med rullestol

Nei

Kvar startar turen?

Parkeringsplassen ved Skeisnebba hytteområde. Hugs bompengar, 50 kr for personbil! Alternative startpunkt: Nede ved riksvegen eller i enden av vegen til hyttefeltet. Dersom du startar nede ved riksvegen, kan du reise med Nettbuss fram til startpunktet.

Kvar kan du parkere?

Open parkeringsplass for alle under kraftlinja på vegen opp til hyttefeltet. Alternativ: Nede ved riksvegen eller i enden av vegen til hyttefeltet.

Rute på kart

Underlag Lengde i km
Lengde tur/retur (km) 13 km
Stigning meter grader
Total stigning 800 m Høydemeter

Offentlig transport

Dersom du startar nede ved riksvegen, kan du reise med Nettbuss fram til startpunktet.

Mobildekning

Ja

Spesielle forhold

Det er lagt stein og klopper på mange av dei blautaste strekningane. Stien er skilta etter nasjonal standard.

Kart

Fjordruta