Hopp til innhold Hopp til hovedmeny

Møre og Romsdal fylkeskommune > Morotur > Turar > Jarskar, rundtur Skarbø - Vestre

Om turen

Gradering

Kommune

Ørskog

Type tur

Fottur

Gradering

XX Blå

Total lengde rundtur (km)

6,3

Skriv ut Kjørebeskrivelse

Flere bilder

Utsikt frå Skarbøen mot Vestre og Storfjorden, her i oktober
Rundturen er fin å gå frå tidleg vår til seint på hausten.
Idyllisk langs skogsvegen nedover mot Vestre
Utsikt frå Skarbøen mot Vestre og Storfjorden, her i januar

Jarskar, rundtur Skarbø - Vestre

Fotograf: Hilde Sørdal

Kvifor gå denne turen?

På turen oppover mot Jarskar passerer du eit svært velholdt kulturlandskap, nydelege blomsterenger og hasselskog. Frå Jarskar har du flott utsikt over Storfjorden og Storfjellet på andre sida. Dette er ein idyllisk tur spesielt om ettermiddagen og kvelden. Turistskipa som går ut fjorden i kveldssola er eit imponerande syn.
Du kan gjere dette til ein fin rundtur ved å gå vidare etter rås og skogsveg til Vestre. Følg gangvegen tilbake til utgangspunktet.
På nordvestsida av Storfjellet ser du Ramstaddalen og Søvika i Sykkylven. På sørsida av fjellet ser du dei tre Skotsgardane. Du ser også fjella innover langs Storfjorden: Solliåsen, Hallvardsfjellet, Jolgrøhornet og lengst unna Grøtet i Eidsdalen.

Kvar i terrenget går turen?

Parker ved Skarbø skule og gå opp i Skarbøfeltet. Etter ein skarp venstresving tek du av på ein skogsveg ganske bratt opp til høgre. På toppen av bakken går du til venstre forbi eit fint småbruk og held fram langs skogsvegen opp til postkassa som heng ved ei grind 1,7 km frå skulen. Her kan du snu om du ynskjer det, eller gjere turen til ein rundtur gjennom skogen på god rås / skogsveg over lia til du kjem ned på vegen på Vestre. Ta til høgre her og gå ned til hovudvegen. Følg gangvegen tilbake til Skarbø skule.

Tilgjengeleg med rullestol

Nei

Kvar startar turen?

Følg riksveg 650 til Skarbø skule.

Kvar kan du parkere?

Ved Skarbø skule. Her er det god parkeringsplass på nedsida av vegen.

Rute på kart

Underlag Lengde i km
Asfalt 3,2
Traktorveg 2,5
God sti 0,6
Total lengde rundtur (km) 6,3
Stigning meter grader
Bratteste helning opp 250 10
Bratteste helning ned 600 8
Total stigning 160 Høydemeter

Offentlig transport

Buss mellom Sjøholt og Stordal. NB; - få turar pr. dag.

Mobildekning

Ja

Kart

Ørskogfjellet