Heida

Turen til Heida er ein lett og fin tur med god utsikt frå toppen mot Sunnmørsalpane, Rovdefjella, fjella i Indre Herøy og fjella i Ulstein. Turen går på skogsveg og god rås i skogen opp mot toppen. Der er lagt ut trebruer på dei våtaste partia. Gurskøy IL har trimpost på toppen.

Start på parkeringsplassen i Kleppefurene og gå skogsvegen mot vest og ta til venstre i første vegkryss (etter ca 100m) gå deretter vegen sørover til endes (ca 250m) kryss elva og gå råsa sørover opp gjennom skogen, når du har gått ca halve lengda mot toppen svingar råsa mot aust og går over myrane mot toppen.