Hopp til innhold Hopp til hovedmeny

Om turen

Gradering

Kommune

Ørskog

Type tur

Fottur

Gradering

XX Blå

Lengde tur/retur (km)

4,8

Skriv ut Kjørebeskrivelse

Flere bilder

Frå Hallvardsfjellet mot gardane på Skotet
Vaksvikbygda sett frå utsiktsplassen før ein svingar sørover mot toppen av Hallvardsfjellet
Fri utsikt innover Storfjorden
Utsikt frå Hallvardsfjellet.

Hallvardsfjellet

Fotograf: Hilde Sørdal

Kvifor gå denne turen?

Ei til dels bratt, variert rute med flott utsyn over Storfjorden og Vaksvikbygda. Særleg fin tur om våren, når kvitveisen blomstrar mellom bjørkeleggane. Går du her på kveldstid, er det store sjansar for å sjå turistskipa på veg ut fjorden frå Geiranger. Vanlegvis snøfritt frå byrjinga av mai.

Kvar i terrenget går turen?

Frå parkeringa startar ein skogsveg som du kan følgje eit lite stykke før du tek av til venstre og følgjer merka i trea eller på bakken vidare delvis gjennom skogen og over våt myr til du ser Storfjorden mellom gamle bjørketre. Her svingar råsa til venstre og er merka vidare bratt opp gjennom bjørkeskogen, forbi restar etter sommarfjøs og ei gammal høyløe. Du kjem etterkvart opp over skoggrensa og får fin utsikt over Vaksvikbygda. Her følgjer du råsa heilt til toppen over berg og lyngmark. Fin utsikt bl.a. til Lauparen.

Tilgjengeleg med rullestol

Nei

Kvar startar turen?

Køyr riksveg 650 frå Sjøholt mot Stordal. Ta av frå riksvegen til venstre på Viset like før tunellen og køyr bratt oppover bygda til du har passert dyrkamarkane og kjem opp i skogen. Parkeringa ligg då på høgre sida av vegen før Hallvardsvatnet. Her står eit skilt til Hallvardsfjellet.

Kvar endar turen?

Eit anna utgangspunkt for tur til Hallvardsfjellet er frå Visetsetra. Så i staden for å gå same vegen nedatt, kan du sjølvsagt halde fram mot aust, gå ned til Visetsetra og så følgje setrevegen nedatt til Hallvardsetra.

Kvar kan du parkere?

Parkering på lunneplass på sørsida av kommunevegen mellom Hallvardsetra og Viset.

Rute på kart

Underlag Lengde i km
God sti 3,6
Myr 1,2
Lengde tur/retur (km) 4,8
Stigning meter grader
Bratteste helning opp 100 15
Total stigning 398 Høydemeter

Offentlig transport

Buss mellom Stordal og Sjøholt og til fots langs bygdevegen til parkering som beskrive tidlegare.

Mobildekning

Ja

Kart

Ørskogfjellet