Hopp til innhold Hopp til hovedmeny

Om turen

Gradering

Kommune

Ørskog

Type tur

Fottur

Gradering

XX Blå

Lengde tur/retur (km)

7,4

Skriv ut Kjørebeskrivelse

Flere bilder

Hauste, - ei flott tid for ein tur til Grytavatnet.
Slutten av november, snø og slaps er i ferd med å legge seg rundt Grytavatnet.
Godt med plass for parkering på Grytalisetra.
Julikveld ved Grytavatnet, - ikkje eit vindpust i lufta.

Grytavatnet

Fotograf: Hilde Sørdal

Kvifor gå denne turen?

Fin tur frå Grytalisetra på 400 moh til Grytavatnet som ligg omkransa av dei mest alpine fjella i Ørskog. Turen er 3,7 km på tydeleg sti som er noko steinete. Grytavatnet er det største vatnet i Ørskog. Det er djupt og ligg i nordvendt terreng slik at isen kan ligge til ut i mai. Det er bra med fisk i vatnet (hugs fiskekort).
Flott utsikt mot Lauparen, Storbotnhornet og Skorkjene.

Kvar i terrenget går turen?

Bilvegen går heilt fram til setra frå kommunevegen over Vaksvikfjellet. Det er bomveg med avgift frå vegen og fram til Grytalisetra.
Turen startar ved det øvste selet på setra. Her finn du tydeleg sti. I starten er det nokså vått, men det er lagt ut fleire klopper her. Det er slak stigning i litt moreneprega landskap. Etter ca 20 min passerer du elva frå Heivatna. Etter denne kryssinga er det litt oppoverbakke før stien går flatt langs elva/grova. Hovudstien held fram langs med elva eit stykke før den bøyer litt til høgre og går over steinete myrar og nokre stigningar. Etter kvart ser du Grytavatnet. Stien deler seg ved eit skilt, ca 150 m før ein kjem ned til vatnet. Eine delen held fram mot Lauparen, den andre går ned til vatnet og bort til ein stor stein, Monssteinen. Her ligg turbok og turkode.

Kulturminne

Monssteinen og Monstjønna har fått namn etter Mons Larssen Vestre eller Bakke-Mons (1792-1880)Det vert fortalt at Mons fiska i vatnet kvar haust. Han hadde med ein otting (1/8 tynne) og fiska så lenge at han hadde salta ottingen full. Han overnatta i ein huk innunder steinen. Hatlen skriv: "Ein morgon, fortalte Mons, var det ei bjørnebinne som stakk hovudet inn gjennom opninga i steinmuren klokka fem om morgonen. - Deg skal eg nok få vekk, tenkte Mons, kveikte i ein neverskrull og rette fram mot nasen til udyret. Bjørnen sette i eit vræl og for springande innover langs vatnet med to ungar etter seg.." (Sverre R. Hatlen i Ørskog Historielag, Årsskrift 1994)

Tilgjengeleg med rullestol

Nei

Kvar startar turen?

Ta av frå riksveg 650 mellom Sjøholt og Stordal, i Vaksvika. Køyr austover på fylkesvegen mot Tresfjord. Du køyrer forbi gardane i Vaksvika og Vaksvikfjellet Camping. Etter ca. 5,5 km. kjem du til eit vegkryss, der bomvegen til Grytalisætra tek av mot søraust.

Kvar kan du parkere?

Godt med parkeringsplassar på Grytalisetra.

Rute på kart

Underlag Lengde i km
God sti 5,4
Myr 2
Lengde tur/retur (km) 7,4
Stigning meter grader
Bratteste helning opp 200 4
Total stigning 260 Høydemeter

Offentlig transport

Nei

Mobildekning

Ja

Kart

Ørskogfjellet