Hopp til innhold Hopp til hovedmeny

Møre og Romsdal fylkeskommune > Morotur > Turar > Festøykollen/Romestrandhornet

Om turen

Gradering

Kommune

Ørsta

Type tur

Fottur

Gradering

XX Blå

Gradering for rullestolbrukarar

Ikkje tilgjengeleg

Lengde tur/retur (km)

7,3

Skriv ut Kjørebeskrivelse

Flere bilder

Her startar stien
Ope lende og turmålet i sikte
Flott utsikt! Hurtigruta seglar roleg forbi nede på fjorden
Flott varde og flott utsikt på toppen

Festøykollen/Romestrandhornet

Fotograf: RuBa

Kvifor gå denne turen?

Mange har nok sett Festøykollen på veg til eller frå ferga. Det er vel verdt å gjere ein stopp og besøke denne toppen. Frå Festøykollen/Romestrandhornet har du ei fantastisk utsikt! Du har vidt utsyn ut mot havet og øyane og du er nær dei flotte sunnmørsalpane. Jønshornet/Ramoen er ein av mange tindar i nærleiken.

Kvar i terrenget går turen?

Start ved Vollane. Det er parkering like etter brua. Stien startar ved eit "skur"og ei grind ved brua og følger ein liten rygg på venstre side av elva. Etterkvart møter du ein traktorveg, ta til høgre og følg denne heilt til du kjem til ei bru. Her kjem du inn på sti. Det heng nokre raude merke i trea som du kan følge. Følg skilting til Romestrandhornet. Stien går litt bratt opp gjennom granskogen. Nokre stadar delar han seg, men dei møtast igjen, så du kan velge det trakket du vil. Når du kjem ut av granskogen, har du kort veg att til Vollesætra og Gamlesætra.Ved Vollesætra er det eit stidele (N62° 20.560' E6° 17.578'); eine stien går til Romestrandhornet (Festøykollen) og den andre stien går til Ramoen (Jønshornet). Du skal over ei bru, passere Gamlesætra, gå over ei elv (siste plass å fylle vatn) og så kjem du ut av skogen og ut i ope lende. No ser du ruta til topps. Først slakt over eit litt myrlendt område og så vidare jamn stigning til topps. Det er god sti og vardemerka der det er ur. Flott utsikt heile vegen til topps, og ikkje minst på toppen!

Lenke til turbeskrivelse

Tilgjengeleg med rullestol

Nei

Kvar startar turen?

Frå Ålesund: følg E136 og vidare E39 mot Bergen. Ferge Solavågen- Festøy. Frå Festøy følg E39 i 3,5 km, ta til venstre mot Erdalen, på Fv. 64. Følg vegen i 1,7 km til du passerer ei bru og ser parkeringa.

Fra Ørsta: Følg E39 i retning Ålesund. Køyr gjennom Barstadvika. Like etter at 60-sona er slutt og etter ei bru, tek du av til høgre og følger denne vegen i 1,7 km til du passerer ei bru og kjem til parkeringa

Kvar kan du parkere?

Parkering like etter brua ved Vollane. Det kan vere trangt om plassen på fine dagar då dette også er utgangspunktet for den populære turen til Jønshornet

Rute på kart

Underlag Lengde i km
Traktorveg 2
God sti 5,3
Lengde tur/retur (km) 7,3
Stigning meter grader
Total stigning 826 Høydemeter

Offentlig transport

Buss Volda-Ålesund http://www.frammr.no

Kart

Sunnmørsalpane