Hopp til innhold Hopp til hovedmeny

Om turen

Gradering

Kommune

Norddal

Type tur

Fottur

Gradering

XX Blå

Gradering for rullestolbrukarar

Ikkje tilgjengeleg

Total lengde rundtur (km)

8,2

Skriv ut Kjørebeskrivelse

Flere bilder

Turkasse
Utsikt ned i Valldalen og mot fjella på andre sida av dalen.
Utsikt frå Bjørstadnakken og vestover ein haustdag.
Eggjevatnet. Fint tillaga for lenge sidan med bord og benk av stein.

Eggjevatnet

Fotograf: Kristi Linge Stakkestad/Nelly Ytterli

Kvifor gå denne turen?

Fin rundtur med utsikt til fjord og fjell. Når første kneika opp til 900 moh er unnagjort, har du ein fin tur i lettgått terreng framføre deg.

Kvar i terrenget går turen?

Frå parkeringsplassen på Hauge (400 moh.) følgjer du asfaltveg ca 350 meter til du kjem til sætervegen på venstre side, skilta til Nysætra. Følg setervegen (grusveg, privat veg) 2,3 km oppover til rasteplassen på Nysætra (ca 680 moh).

Vidare går du på merka rås, skilta til Mefjellet og Eggjevatnet. Råsa går oppover knapt 200 høgdemeter, før du kjem til skilt ved stidele. Følg rås til venstre mot Eggjevatnet. Her flatar råsa ut og går vidare i jamt og lettgått terreng med Mefjellet (1100 moh.) ruvande til høgre. Det er om lag 2 km frå Nysetra til Eggjevatnet. Ved vatnet der turkassa er plassert er det idyllisk med bord og benk i stein. Her er det muleg å ta seg eit bad. Du kan også skrive deg inn i Fjørå helselag si trimbok som er plassert her.

Eggjevatnet ligg på Bjørstadnakken og høgste punkt er her 965 moh. Fin utsikt ned i Valldalen og mot fjord og fjell i Norddal.

Følg så Bjørstadnakken vidare vestover og etterkvart nedover, først slakt, så eit brattare parti, så slakt igjen og det flatar ut og du kjem til Ruggå (540 moh.). Der finn du den omtale Ruggesteinen, som ruggar når du står oppå han, og ei grindløe som er open for alle. Her finn du både ein Stikk UT-post og helselaget si trimbok. Frå Ruggå følgjer du merka rås og traktorveg nedatt til parkeringsplassen.

Kulturminne

Nysetra og Høgsetra.
Les meir om setrane i Norddal i boka Til seters (Valldal bygdekvinnelag 2012).
Ruggå. Ruggesteinen. Utsiktspunkt. Samlingsstad på merkedagar, som til dømes jonsokfeiring, i gamle dagar.
Bord og benk i stein ved Eggjevatnet.

Tilgjengeleg med rullestol

Nei

Kvar startar turen?

Frå Sylte, sentrum i Valldal, køyrer du først gjennom tunnellen mot Fjørå og Tafjord. Om lag frå Fjørå kai følgjer du så skilta veg mot Selboskar. Vegen slyngar seg oppover fjellsida og når du kjem til Selboskar deler vegen seg. Køyr til høgre (180 grader sving). Etter ca 250 meter kjem du til merka parkeringsplass på nedsida av vegen på Hauge (400 moh.).

Kvar kan du parkere?

Parkeringsplass Hauge, gratis parkering

Rute på kart

Underlag Lengde i km
Asfalt 0,3
Fast grus 2,4
Løs grus 0,6
God sti 3,9
Røtter / steiner 1,0
Total lengde rundtur (km) 8,2
Stigning meter grader
Total stigning 500 Høydemeter

Offentlig transport

Nei

Mobildekning

Ja

Kart

Turkart for Norddal 1:50 000, Tafjordfjella 1:50 000