English

Aukra kyststi

Aukra

Kort om turen

Dette er ein fin tur på grusa turveg langs havet for deg som ønsker å oppleve kysten på nært hald. God utsikt mot Bjørnsund og Bud. Turen er flott å gå både i ruskever når "bårå" sler opp mot land, og i finever når ein kan sjå sola gå ned i havet (midtsommars). I området rundt kyststien er det mange gravrøyser og ei skyttarstilling frå krigen.

Ruteskildring

Turen startar ved parkeringsplass i Årgårdsvika. Følg grusvegen nedover mot sjøen. Når vegen deler seg går du rett fram mot venstre ned ein liten bakke. Stien svingar mot høgre når du kjem ned til sjøen. I starten av stien går ein forbi "Næsja" der båten gjekk over til Rindarøya før moloen kom. Stien snor seg gjennom kystlynghei og etterkvart kjem ein til Sandvika, ei lita perle av ei sandstrand. Følg grusa sti til enden, om lag ein km. Det er fleire benkar og benkebord langs vegen. Kyststien endar ved Komedantholmen.

Tilkomst og parkering

Frå fergekaia på Aukra følgjer du hovudvegen mot Falkhytten. Sving til venstre i krysset på Falkhytten, følg skilting til Rindarøya. Etter om lag 8 km i ein skarp venstresving skal du ta av vegen til høgre (Hvis du kjem ned mot moloen til Rindarøya, har du kjøyrt for langt). Det er ein stor parkeringsplass i Årgårdsvika, om lag 200 meter fra starten av turstien.
Fottur
Grønn
Lengde
1,20 km en vei
Stigning
15 m
Tidsbruk
40 min.
Sesong
Vinter, Vår, Sommer, Høst
Høyeste punkt
17 moh
Merking
Skiltet
Mobildekning
Ja

Løype på kart

Underlag Lengde i km
Grus 1,2

Offentleg transport

Det er svært få bussavgangar til denne delen av Gossen. Om du må ta buss, sjå Fram sin App.
Køyreskildring
Print ut